Rej Ke Itõn Kadiwõjļọk Eok Jen Iṃõn Jokwe Ne Aṃ? Kappok Jibañ!

Kappok būrookraaṃ in jipañ kein me repaake eok

 

Kwõj maroñ wõt apply ñan jipañ kõn oṇãn rent!

Eļaññe ewõr aṃ muri in oṇãn rent im edik jããn ko aṃ ak oṇeam jãn jerbal, ewõr jipañ kõn oṇãn rent. Kããlõt aelõñ eo aṃ ijin ilaļ in lale doulul ak organization ta ko rej leļọk jipañ kõn oṇãn rent im jipañ ko jet ilo county eo aṃ. *Kõmeļeļe: Northwest Justice Project ejjab leļọk jipañ kõn oṇãn rent, bõtab doulul ak organization kein rej elaajrak ijin rej.

Kar kõṃṃan bwe en wõr jipañ kõn oṇãn rent ñan jipañ aolep armej, jekdoon kwõj citizen in ia ak wãween aṃ kar maroñ deloñ im pãd ilo Amedka. Apply ñan jipañ kõn oṇãn rent eban kọkkure jabdewõt application kwõj file e ippãn immigration.

 

Kalōt county ak bukwōn eo aṃ:

[COUNTY DROPDOWN LIST HERE]

Nuuj eo ekāāl tata

Kein Kõjparok ko an State im federal jãn aer kadiwõjļọk armej jãn iṃõn jokwe ko aer eṃõj aer jemļọk. Kakien eo an federal (Centers for Disease Control ak CDC) ñan kabõjrak iuṃwin jidik iien kũtien kadiwõjļọk armej jãn iṃõn jokwe ko aer (eviction moratorium) eṃõj an bõjrak im ejjab maroñ kõjparok jãn aer kadiwõjļọk armej jãn iṃõn jokwe ko aer. Supreme Court eo an Amedka eaar ba bwe ejjeļọk an CDC maroñ in kõṃṃan kabbõjrak iuṃwin jidik iien kũtien kadiwõjļọk armej jãn iṃõn jokwe ko aer (eviction moratorium) ñan aolepen Amedka (kabõjrak jidik kadiwõjļọk armej jãn iṃõn jokwe ko aer). Jab kanne Naan in Karoñ eo an CDC (CDC Declaration).

 

Kõjparok ko an State jãn kadiwõjļọk armej jãn iṃõn jokwe ko aer eṃõj an ejjeļọk kũtieer.

Kabõjrak iuṃwin jidik iien kũtien kadiwõjļọk armej jãn iṃõn jokwe ko aer me an Washington State eaar jemļọk ilo Juun 30, 2021 eo. Ãlikin men in governor eo eaar kõṃṃane juon kakien ejjab aetok kũtien (naan in kaiñ) me kar ṇaetan “bridge” eo. Naan in kaiñ in etan “bridge” eaar kõṃṃan bwe en wõr jet kein kõjparok ko jãn kadiwõjļọk armej jãn iṃõn jokwe ko aer ñan aolepen state eo. Bõtab kein kõjparok kein raar jemļọk ilo Oktoba 31, 2021.

Eļaññe ewõr aṃ muri kõn oṇãn rent, landlord eo aṃ ej aikuj wõt lewaj juon aṃ plan in kõļļã ejiṃwe im ekkar. Im rej aikuj lewaj aṃ iien ñan pukõt mejḷan apañ eo ikijjeen aṃ leļọk abṇõṇõ eo ñan bar juon eo ejjeļọk ḷọk an ilo abṇõṇõ eo ñan jipañ tõpar juon koṇ (mediation) ikijjen Bũrookraaṃ eo etan Eviction Resolution Pilot Program (ERPP). Eļaññe rej itõn kadiwõjļọk eok jãn iṃõn jokwe eo aṃ, call e 1-855-657-8387. Kateruru online ippen CLEAR*Online.

Ñan kõļapļọk am meļeļe kõn plan in kõṃṃan kõļļã ko, lale waanjoñak in kain plan ko, im lale ñe ebar wõr kein kõjparok ko jet ijo kwõj jokwe ie, lale Coronavirus (COVID-19): Landlord eo aõ emaroñ ke kadiwõjļọk ña jãn iṃõn jokwe eo aõ kiõ?

 

Ejjab mãlim kõṃṃan oṇãn ko ikijjeen ruṃwij in kõļļã mae Jãnwõde 1, 2022.

Landlord ro rejjab maroñ jaaj oṇãn ko ikijjeen ruṃwij in kõļļã ñan ro rej rent e iṃõn jokwe ko aer me ewõr aer muri in oṇãn rent ñan jabdewõt iien jãn Maaj 1, 2020 ñan Tijeṃba 31, 2021.

 

Last Review and Update: Nov 02, 2021
Was this information helpful?
Back to top